Nos economia a cai, pero no nos perseverancia ni nos curashi.
Apesar di e retonan, decisionnan concreto y decisivo cu gobierno a tuma rapidamente a salba y a yuda nos pais recupera y bons bek mas cu cualkier pais den Caribe y hasta den mundo. Hunto cu e trabao duro di nos pueblo y e enfoke pa reconstrui nos hogarnan y pais, awe nos por wak bek con rapido y cuanto nos a avansa.
Recapitulacion di logronan concreto di gobierno di Aruba den e ultimo aña. (2023-2024)
Den cuadro di esaki mi ta bai comparti algun di e hopi logronan di gobierno di Aruba;
- CAft, e supervision financiero official di Aruba a declara den rapportnan di 2023-2024, den Parlamento y ruedanan di prensa, cu Gobierno ta cumpliendo cu e normanan di CAft, a entrega presupuesto na tempo, ta produci un 1% surplus.
- Pa di dos aña consecutivo Banco Central di Aruba ta keda publica cu nos economia a bons bek fuertemente y ta bayendo hopi bon.
- FITCH a subi Aruba su rating pa BB+. Esaki ta otro evidencia mas cu Aruba ta recuperando y bayendo den bon direccion!
- Na 2023 nos economia a wordo pronostica di lo crece 10.1% pero en realidad a crece 13.6%! Esaki ta 3.5% mas cu a wordo pronostica, y un total di 26% mas cu a wordo spera.
- Ta pagando ya dos aña consecutivamente riba nos debe nacional cu e surplus. A paga 153 miyon na 2023 y 129 miyon na 2024. Debe a baha na 73% danki na crecemento di nos GDP y pagonan riba debe.
- Carnival Cruises lo trece 30% mas turista pa Aruba na 2024.
- Varios aerolinea a anuncia expansion di vuelonan diario y semanal pa Aruba.
- Turismo ta kibrando record tur luna desde 2023 te cu aworaki danki na e vision di gobierno.
- Aruba a wordo kita di e lista “gris” y awo ta riba e lista “blanco.” Esaki ta un logro grandi pa e reputacion di nos pais y lo por atrae mas inversionista.
- EBA a declara cu Aruba tin e miho clima di inversion di henter region di Caribe. Esaki ta haci nos masha atractivo pa inversionistanan.
- Prima di AZV pa pensionado lo baha cu 5.5%.
- Minimum loon a subi na afl.1986.20 na 2024.
- Pensioen a subi 4 biaha bao Gabienete Wever Croes. Na 2024 esaki lo subi cu 4% atrobe. For di 2017-2023 Pensioen, reparative toeslag y bahada di prima di AZV a duna pensionado soltero AWG 365.52 extra y pareha casa AWG 536.90.
- Desempleo a baha na un cifra record di 4.0%
- Cantidad di cupo di empleo a subi cu 5.1%, cu ta significa cu negoshinan ta prosperando y emplea mas persona.
- Inflacion na 2023 tabata hopi abao compara cu resto di mundo na 3.4%.
- Gobierno a logra baha cantidad di camber di hotel di AVP, di 7mil pa poco menos di 2 mil.
Esaki ta apenas un lista chikito di logronan recien di gobierno. Den e siguiente articulo mi lo sigui elabora riba e logronan concreto di gobierno pa pueblo por tuma nota cu ta hopi mes a wordo haci y logra pa nos pais dushi sigui recupera y avansa.
Si pueblo desea mas informacion di e articulo aki, contact mi na tel: 528-4639 of email mi na: [email protected] / Bo parlamentario y sirbidor di pueblo na bo ordo semper!