Diamars awor nos lo tin nos prome entrevista cu nos candidato nobo di Mep, Marco Berlis. Esaki lo wordo pasa riba Facebook riba su pagina Oficial; “Marco Berlis Oficial.” E entrevista lo ta 7:30pm. Sintonisa y join nos den e entrevista exclusivo aki den cual bo por siña conose Marco mas di serca, su vision, su curason, su caracter y tambe su intencionnan. Nos ta bibando den un tempo cu nos Pueblo ta buscando candidatonan serio, transparente y cu kier traha na bienestar di nos Pais. Hendenan cu no ta buscando nan propio interes y beneficionan. Aki bo ta bai conose un candidato cu lo papia cu frankesa y to-the-point. Sintonisa nos Diamars awor pa bo mes wak y compronde kiko nos ta bisando.
Pesey Aruba, e ta tempo pa nos uni. E ta tempo pa nos realisa cu nos mester sera cabes y pensa, planifica y traha huntu pa e bienestar di nos pais Aruba.
Pa demasiado tempo nos a permiti colornan, ideologianan y partidonan separa nos. Awor mas cu nunca, memey di e pandemia aki nos mester realisa cu nos mester ta uni, pasobra union ta hasi forsa. Si, nos mester di forsa pa crea un movimiento indestructible y inparable, E retonan y e crisis ta grandi, pero mas grandi nos resilencia y determinacion ta pa reconstrui un mihor Aruba.
Ban responde na e jamado. Ban pone nos diferencianan un banda y realisa cu nos mester di otro. Nos mester pone nos mentenan y nos mannan huntu,pa por logra di avansa Aruba y hasie un pais mas fuerte, mas estable y mas prospero cu nunca! Laga e colornan di nos bandera ta e colornan cu ta uni nos bao di e solo caribense aki, y ban traha hunto cu un solo meta.
“Un Pueblo uni hamas por cai. Un Pueblo uni y resiliente ta e curason di un pais vibrante y jen di speransa. Un Pueblo uni ta logra cualkier cos cu e ta propone, Y unda cu tin speransa semper lo tin mannan dispuesto pa traha pa e bienestar general di e Pueblo.”
Uni bo mes na nos voz, un voz di speransa, un voz di cambio, un voz unificador y un voz pa construi un Aruba solido y jen di oportunidad. Ban tribi di soña y traha pa un Aruba cu otronan niskiera a jega di imagina. Huntu nos por realisa e bienestar y progreso di nos pais Aruba.
E ta tempo pa nos perspectiva y metanan pa Aruba cambia y wordo implementa cu vision, determinacion, y intergidad. Ban huntu construi un Aruba nobo y fuerte!
" Election