Un gran parti di e populacion di Aruba ta consisti di extranheronan. For di esaki, mas o menos 40% ta latino. Nos populacion ta maso menos 106.000 persona aworaki. Esaki ta hasi cu nos proceso di integracion mester bira mas eficiente pa por atende e cantidad enorme di peticion cu ta drenta diariamente.
Innovacion & Servicio Optimal.
Hopi ta esnan cu a immigra pa Aruba, enbusca di un mihor futuro. Pa esakinan, nos sistema di integracion mester ta optimal y servicial. Esaki ta sumamente necesario pa asina nos por redusi e tempo di procesamiento sin neglisha e rekisitonan stipula pa Ley. Un sistema cu ta innovador, consistente y eficiente ta loke pueblo merese y tambe esnan cu ta bini contribui na Pais Aruba. Ora cu nos cumpli cu e vision aki nos ta logra pone hende bek na pia di trabao, nos ta reuni famianan cu nan jiunan, nos ta habri posibilidad di negoshinan nobo, nos ta trese algeria den hogarnan, cual tur ta contribui na e interes general di nos pais.
E derecho basico di cada ser humano di por traha duru pa su bienestar, contribui na sociedad y ntegra den un lugar di oportunidad, mester ta posibel na Aruba.
Nos ta firme creyente cu tur ser humano merese un bon trato. Nos mester ta un pais cu ta brinda e extranhero, cu ta pasa den e proceso legalmente, un lugar di proteccion y oportunidad. Nos lo traha duru pa tin un proceso den lugar, pa nan permisonan, cu lo brinda nan e servicio cu nan merese di un forma consistente.
" Election