Un Pais den cual su macro economia ta wordo stimula, ta promove su economia y di esnan di e ciudadano significativamente.
Oportunidad pa Tur.
Pilarnan economico nobo semper ta trese cu nan oportunidadnan pa negoshinan nobo lanta pa asina reforsa y apoya e desaroyo di e pilarnan economico nobo. Esaki ta un efecto cu nos mester pa pais Aruba. Ademas di esaki, e lo lanta e oportunidad pa nos pueblo bira mas consiente di esaki y tribi pa lanta e negoshi di nan soño. Nos mester cuminsa wak y siña di otro culturanan cu a progresa enormemente na nan pais. Paisnan manera india y China, den cual cualkier persona rico of pober ta habri miles di negoshi nobo tur dia. Un negoshi ta significa sacrificio, esfuerso, planificacion, inversion y balentia. Ingredientenan cu ta existi den e calidad di nos hendenan.
Nos mester siña di otro paisnan cu a crese nan economia exponencialmente. Paisnan meanera China y India. Observa nan hendenan, casi tur tin empresanan unda cu nan bai. Ora nan jega un pais nobo, nan no ta busca un trabao, nan ta busca pa habri un negoshi.
Un idea ta suficiente pa cuminsa cana como un entrepreneur exitoso. Nos mester cultiva un cultura di emprende negoshinan nobo den nos pueblo y den e generacion nobo cu ta lantanado. Esaki lo hasi cu enbes cu nan ta bai studia pa un trabao, nan ta studia pa edifica nan propio negoshi. Aruba ya a hasi cambionan masivo pa encurasha hende pa habri negoshi nobo. Mas reformacion ta na caminda. Nos lo facilita estudionan cualnan ta motiva, prepara y empodera e pueblo pa combertinan mes den empresarionan. Ora nos siña traha pa nos mes, nos ta traha mas duru, y e recompensa lo ta mas grandi!
" Election