Integracion
Innovacion, servicio, y eficiencia ta necesario y un derecho den nos sistema di DIMAS.
Nos mester di un sistema di servicio cu ta optimal pa e tempo cu no sta biba aden, sin cu nos ta neglisha e rekisitonan y scrudiñamento di ley. Como un homber bibando memey di e pueblo mi ta experiencia casi diariamente e sufrimento di famianan extranhero. Tambe e pueblo Latino, cu ta un pueblo trahador, digno y un parti importante di nos sociedad. Hopi di nan ta bon studia, cu ta bin pa contibui honestamente y kier integra na nos pais. Pesey como pais nos mester sa di responde na e necesidadnan y transformacion di nos poblacion, specialmente ora ta trata di permisonan di esnan cu ta bini Aruba pa traha duru. Nos pais ta existi mas o menos di 40% di personanan extranhero, di cual ami mes ta uno. Nos pais ta un mihor pais pasobra hopi extranhero a lucha, traha duro y inverti den nos pais, y awendia tin negoshinan exitoso cualnan ta brinda empleo y ta contribui na nos economia. Pesey, Aruba semper mester keda un pais di oportunidad, libertad y integracion eficiente pa asina sigura e progreso continuo di nos pais.